Prof. Lipumba: Kikwete ana uwezo wa kuvunja Bunge la Katiba kwa mamlaka aliyo nayo
MWENYEKITI Mwenza wa Kundi la Umoja
wa Katiba ya Wananchi (UKAWA), Prof. Ibrahim Lipumba, amemtaka Rais wa
Jamhuri ya Muungano wa Tanzania, Dkt. Jakaya Kikwete, kutumia mamlaka
aliyonayo kama Mkuu wa nchi kulivunja Bunge Maalum la Katiba
linaloendelea na shughuli zake mjini Dodoma.
Prof. Lipumba amesema hayo leo Ijumaa Agosti 15, 2014 wakati akizungumza kwenye kipindi cha ‘Tuongee asubuhi’ kinachorushwa na Kituo cha runinga cha Star Tv.
Amebainisha kuwa kuendelea kwa vikao vya bunge hilo bila kuwepo kwa maridhiano baina ya makundi muhimu ni matumizi mabaya ya fedha za mlipa kodi na kuongeza kuwa hali hiyo itapelekea kupatikana kwa katiba ambayo haitakubaliwa na wananchi kutokana na msuguano unaoendelea kwa kutafuta katiba kwa ubavu wa kisiasa.
Aidha, amesema licha ya sheria ya kutomruhusu Rais kulivunja bunge
hilo, bado anaamini kuwa Rais Kikwete, ana nia ya dhati ya kuunda Katiba
bora na kwamba anaweza kutumia mamlaka yake kwa kuwa ni Mkuu wa nchi
tofauti na inavyotafsiriwa na watu mbalimbali kwa ajili ya kuepuka
kutumia gharama zisizo za lazima bila maridhiano.
Prof. Lipumba amesema hayo leo Ijumaa Agosti 15, 2014 wakati akizungumza kwenye kipindi cha ‘Tuongee asubuhi’ kinachorushwa na Kituo cha runinga cha Star Tv.
Amebainisha kuwa kuendelea kwa vikao vya bunge hilo bila kuwepo kwa maridhiano baina ya makundi muhimu ni matumizi mabaya ya fedha za mlipa kodi na kuongeza kuwa hali hiyo itapelekea kupatikana kwa katiba ambayo haitakubaliwa na wananchi kutokana na msuguano unaoendelea kwa kutafuta katiba kwa ubavu wa kisiasa.
Amelaani kitendo cha wajumbe kutoka kundi la walio wengi na wajumbe wa
kundi la 201 kuendelea na vikao bila kuwepo na kundila UKAWA hakuwezi
kuwapatia watanzania Katiba iliyobora.
Hata hivyo, hapo jana Agosti 14, 2014 Kurugenzi ya Mawasiliano ya Rais Ikulu, ilieleza kuwa Rais Kikwete, hana mamlaka kisheria ya kulivunja bunge hiloambalo kwa sasa linamaliza takribani wiki mbili tangu lianze vikao vyake mjini mjini Dodoma Agosti 5, 2014.
Kumekuwepo na maombi mengi tangu UKAWA kususia vikao vya bunge hilo
kutoka kwa taasisi na makundi tofauti yakimtaka Rais Kikwete kuvunja
Bunge hilo kutokana na mwenendo wa kile kilichoitwa kuwa serikali
inatumia mabavu katika kutengeneza Katiba kwa ajili ya Watanzania.
Hata hivyo, hapo jana Agosti 14, 2014 Kurugenzi ya Mawasiliano ya Rais Ikulu, ilieleza kuwa Rais Kikwete, hana mamlaka kisheria ya kulivunja bunge hiloambalo kwa sasa linamaliza takribani wiki mbili tangu lianze vikao vyake mjini mjini Dodoma Agosti 5, 2014.
